Денес е Петковден! Честит празник и за многу години слава за сите наши пријатели што празнуваат.
Света Петка, меѓу народот позната и како Света Параскева и како Мајка Параскева, светителка од градот Епиват, кој се наоѓал меѓу Силинаврија и Цариград. Таа е родена кон крајот на Х век, во петок, денот кога Евреите се подготвуваат за празнување на празникот Сабат (сабота). Затоа нејзе и го дале името Параскева, што значи „подготовка“.
Петковден е голем христијански празник, особено славен и почитуван во Македонија. Тоа е првиот празник за домашна слава од зимските слави. Еден од обичаите кои се практикуваат на празникот на света Петка е „петолебие“, кога луѓето носат пет лепчиња во црквата, во спомен на настанот од Библијата, кога Исус Христос со пет леба нахранил 5,000 луѓе. Притоа, петте лепчиња се осветуваат, при што едно му се дава на верникот, а четири остануваат во црквата.
Ви пожелуваме пријатни празнични моменти со вашето семејство и блиски.
Market7.mk - бесплатен огласник
